PUISI : Sulistiani Sapsuha
Satu kata yang mungkin seng asing lagi terdengar
ADVERTISEMENT
SCROLL TO RESUME CONTENT
Satu kata yang orang rela berjuang diatas penderitaan demi dapa gelar sarjana.
Ya, itu sarjana..
Cuman tagal sarjana orang tua rela berkorban demi eta deng nai pung masa depan.
Orang tua rela seng dapa isi poro, seraya nasi satu dua biji asal eta deng nai pung poro taisi.
Bahkan orang tua rela korbankan rasa malu.
Iyo malu..
Malu yang eta deng nai seng tau, orang tua dapa uang itu dari mana?
Ada deng seng ada, orang tua usaha kasi ada cuman karna eta deng nai su minta untuk memenuhi kebutuhan
Eta deng nai…
Jang lupa di saat eta deng nai pung barangkat mau pigi kuliah.
Orang tua kasih dudu eta deng nai dalam satu gubuk.
Gubuk tua yang dimana eta deng nai sama-sama deng dong pada waktu itu.
Meja makan jadi saksi atas janji, deng sumpah yang orang tua ucap par eta deng nai pada saat itu.
Papa antar deng pesan, mama antar deng air mata.
Sakingnya terlalu sakit, dong cuman bisa sapu dada dan tunduk pada tanah.
Di atas meja makan papa ucap sepatah dua kata “Eta deng nai, papa pung susah ini, susah lagi”.
Tapi papa deng mama akan berjuang demi eta deng nai bisa sekolah tinggi kaya orang lain.
Demi eta deng nai pung masa depan, demi eta deng nai pung hidup kedepan seng susa macam apa yang papa deng mama rasa saat ini.
“Kuliah supaya eta deng nai bisa jadi orang”
Tapi, eta deng nai jang lupa makna dari jadi orang.
Jadi orang yang bisa memanusiakan orang
Bukan nanti eta deng nai su jadi orang-orang basar, lalu lupa akan deng orang-orang kacil.
Pesan singkat tapi penuh makna, dari eta deng nai pung orang tua.
“Wakdab Pia Matua in Pateka Ika” sampe nanti eta deng nai bisa jadi orang dibawah orang, bukan nanti jadi orang diatas orang.
