Oleh: Sulistiyani
Pagi..
Pagi disaat ayam mulai berkokok.
ADVERTISEMENT
SCROLL TO RESUME CONTENT
Papa deng mama suda mulai bangun.
Bangun bukan karena poro kosong, tapi ada beban yang musti dong lakukan.
Mungkin, semalam dong seng bisa sono.
Cuman karena bapikir ana-ana pung kebutuhan hidup.
Satu hal yang buat dong paling takut, ketika dong pung ana sakit di tanah rantau. Sakit karena keleparan.
Pagi gelap, Papa so goso parang, mama tiup api di tungku.
Ketika panas matahari di atas Kepala, dong rela bajalan kaki telanjang.
Rela alas poro deng makanan rabus sadiki.
Bahkan cuman batahang deng satu gelas air putih.
Tapi demi ana laki-laki dan perempuan, papa mama rela banting tulang.
Papa deng mama rela berjuang.
Kasiang..
Tapi paling kasiang, kalau dong pung ana tidak bapikir perjuangan.
Lalu berpikir deng terang, atas lelaki perempuan punya wajah.
Jang eta deng nai lupa, dari papa deng mama punya satu tetes karingat yang tatumpah,
Bisa biking eta deng nai tumbuh basar sampe sakarang ini.
Eta deng nai…
Katong ini orang susah, orang kurang yang seng pung apa-apa.
Jang bagaya iko jaman punya mau.
Jang bagaya dari ujung rambu sampe ujung kaki cuman par mau iko rame
Inga papa deng mama punya susah
Supaya nanti eta deng nai lagi tau apa arti dari kehidupan
Karena hidup seng samua tentang kebahagiaan.
